27.07-29.07.2018

Nach knapp 200km fahre sin mr z Karlsruhe ako. Dr Ufbau isch los gagne und no dis no sin unseri Lüt dezue ko. Dismol debi ka hän mr neu dr Cedi und dr Lev. Tam het muetig wie si isch trotz Schmärze gfunde si kunt mit Baby Lev mit uns mit. Dr Ikauf händ Pinky und Nöme unter schewrst Bedingige gmeisteret. Nei dr Stäldi isch dismol nit schuld 😉 Dr Wäg isch immer wie länger worde, si sin nämlich mit em Leiterwägeli los und hän mindestens 80kg Material ufs Gländ gschleppt. Da mr zu wenig Bier ka hän oder d Jungs eifach wieder mol zu fest Durst ka hän, het Hase mit de Nöme nomol los miesse go Schalldämpfer für de Lev go hole und für unseri grosse Buebe Hopfeschoppe. Unterwägs sin zwei Metfläsche verlore gange. 😉

Da mir jo letscht Joor in Ö dr Horis, dr Markus, d Julia und dr Mirco iglade hän zum Fondue, hän si uns in Karlsruhe zum Ässe iglade. Leider isch dr Horis krank worde und het sini Rippli mit Kraut nit könne sälber mache. Doch er het defür gsorgt, dass alles zu uns kunt. Mir hän denn das sälber ind Hand gno. Dr Markus het sis mega faine Mousse ou Chocolat uns serviert. De Obe isch mega schön gsi mit unserne Gäst. In dere Nacht het me könne dr Bluetmond beobachte. Nachere ruige Nacht isch d Pinky am 7i am Morge hellwach und aktiv gsi. Waaaaaaaaaaaaaaaaaaaaaassssss!? Pinky defekt!?
D Nöme hingege isch nit so ganz früsch gsi an dem Morge, ihre Kreislauf het sich verabschiedet. Adeeee! Mir hän denn beschlosse, dass es das mol s Zmorge vor de Morgemäss git. Früsch gstärkt sin mr denn ali and Morgemässe. Die isch sehr lang gange und das bi grösster Mittagshitz. Dr Stadtstaat Basel het sich mit Piffer und Drummler igreit und hän zum Glück im Schatte e Platz könne ergattere. Mir sin denn no grügt worde, will mir d Rippli nit richtig zuebereitet hän. Schande über uns.

D Nöme isch das MPS sehr fiecht worde und het sogar duscht. Iiiiihhh wääää! Das nit ganz freiwillig. Es het nämlich so richtig fest afo rägne am Nomittag. Einigi hän agfange im Räge z tanze und häns gnosse die Abkielig vo obe. D Jungs händ Nöme gschnappt und s Zält über ihre entleert. E gratis Duschi, wie schön.

Natürlich hän mir au dasmol wieder dr Brucheballsieg heim gholt. Mir hän jetzt au sit neustem e «rasierter Hase» im Lager. S Tape am Handglänglänk het meh als guet ghebt. Zack Haare weg. Wod Pinky zrug is Lager ko isch hets plötzlich nach Schnupf gschmeckt. Si sich nämlich beschnupft worde. Alles schön in Usschnitt. Unseri hellblaui Köchin het trotz allem es mega feins Znachtässe gmacht, wo mir mit bester Sicht ufs Versengold Konzärt hän könne gniesse.

D Julia unseri Heerlagerverantwortlichi het de Stephan miese ins Zält bringe, si het nämlich e Balke abbeko, wo se genau am Kopf troffe het. Jä die Nacht isch alles andere als ruhig gsi… dr Hase het nämlich nit könne schloofe, will sin liebe Zältnochber (mir nenne jetzt keine Näme… gäll Mike) mega lut gfurzt het. Jä es git au Lüt, wo mit unsere Gäst im Hotel verschwinde und erst am negste Morge wieder do sin. Au dr Sunntig isch wieder mega heiss gsi. Me het s Gfühl ka, dass es keini MPS-Bsuecher me ka het aber die sin eifach alli im Schatte gläge. Trotz brennender Sunne isch dr Stadtstaat aträtte bim Brucheballtournier und was au sust, natürlich erste worde.
Da s dr Julia immer noni besser gange isch, hän mir uf ihri Tochter ufpasst. So e ufgweckts Kraftbündel! Si isch uf em Stephan umeturnt und het ihm unbedingt wele ihre Buchnabel zeige 😉

Wie toti Fliege sin mr alli im Schatte gläge und hän uf dr küeleri obe gwartet. Dr Düsi, Stäldi, Cedi und Tam hän leider d Heimreis aträtte. Dr Stäldi het si halbe Huushalt liege lo. Das dörf er denn, wenns ihm uffallt, wieder bi uns cho uslöse. Dr Räst het no e gmietliche Obe zämme verbrocht, bevors denn am Mäntig zrugg ind Zivilisation gange isch.
Es heisses aber sehr harmonischs Wucheänd hän mir zämme dörfe verbringe. Mit grosser Freud sin mir scho gspannt ufs negste MPS. Dr Stadtstaat Basel reist nämmlich nach Hamburg ans Jubiläum MPS
Das fette Ö!


Zurück zu den Bildern

Zurück zu den Berichten