20. – 22. Mai 2016
Freitag
Punkt 10i isch dr Stadtstaat Basel bim MPS gländ ako. Nochdäm dr Stephan von Heerlager unsere Platz zuegwiese beko het, hän mr wele mit de Autos zu unserem Platz fahre, doch denn isch de Beerenweinlastwage im Wäg gstande. Mr sin jo nit so und hän schnäll gholfe dr Met abzlade, so dass mr passiere hän könne. Ändlich bi unserm Platz a ko hän mr alli komisch gluegt. Mmm nur schüch von Schuss ab und wurm wrum wrum an dr Autostos. Denn het dr Platz au no Schrege alles nit so eifachwie am Birsköpfli bim probeufselle, also guet finde mr uns zerst mol mit de Situation ab und schimpfe alli e Rundi. ABER eigentlich isch es doch gar nit so schlächt und irgendwie isch es doch au schön so am Dümpel, licht erhöht mit emene kleine Bäumli.
Doch alles het denn klappt und s Zält stoht, jetzt gohts ans ikaufe, irichte und Kleinigkeite organisiere. Wärend dem ganze entstön scho witeri Idee und was mr uns no alles zuedue wän, zum unser Heerlager z verschönere und z verbessere.
Wo denn alli Transportmitel verumt worde sin und alli awäsend gsi sin, isch es zur Fahneiweiig ko. Dr im Brunne kielti Sekt isch in Tonbächer gfüllt worde und mr hän stolz uf unser Heerlager agstosse. E wunderbare und au irgendwie emotionale momänt. Ändlich isch dr ersehnti Momänt do, es ka los go mit em Stadtstaat Basel und mir könne uns wirklich Zeige!
Es paar hän zum Zitverdrieb Königsschach gspielt und es isch nit lang gange und oh hoppla ligt scho e Wurfstab im Tümpel. Wo me en het wele usefische, flutsch und wäg isch er gsi. D Kanalisation het en verschwindele lo. Mir wünsche em Stab alles gueti uf sim witere Wäg.
Ab Obe het unsere Kuchichef und sini reizendi Asistäntin es fantastischs Znacht uf e Tisch zauberet. Uf em Spiesplan sin Krüterforälle mit Rieblilauchallerlei und dezue sälber baches Schinkekrüterbrot gstande. Nach em Ässe sin alli so todmied gsi, dass mr noch em Abwasch diräkt is Näst gfalle sin.
Samstag
Dr ersti offizielli MPS Tag het gstartet, indem me d Auge uf do het und e Stephan in sine blaue Boxershorts, Wanderschueh und emene mega Grinse zuegwunke het. Tadaa de Tag isch erröffnet! J Guete Moooorge!
Nachemene riechhaltige Zmorge sin dr Stadthalter, sin Stv und de Oberst Materialwart and Morgemäss, wo si zrugg ko sin, sin alli e „bizeli“ rot gsi im Gsicht und Gnigg… Eisitig! Jäwol ab morn wird Sunnecrem igstriche oder mr mien ungekehrt hi stoh dass dr Sunnebrannd regelässig wird 😉
Nachere kurze Info isch denn unseri flissigi Tam zu uns gstosse. Si het grad mol e schlöfi gmacht, noch däm si ihr Lager ufgsellt het. So e Energie schub duet jedem guet und s Wätter hets jo au zueglo, dass me sich eifach gemütlich is Gras het könne lege. Im Verlauf vom Tag sin denn useri edle Dame Pinky und Jay ako.
D Äntlifamilie Gertrud und Herbert sin uns au zwüschedure cho bsueche und sin somit zu unser Hustier enannt worde.
Bim Heerlagerumzug hän mr us denn ändlich dörfe presentiere. Alli so guets gange isch in Uniform. Da noni alles glieferte worde isch, het de Chefkoch halt miese als Shottische Kieger go. Usere Fahneträger Daniel het stolz unseri Fahne dreit und voller Ehr si natürlich in keim Momänt uf e Bode gstellt. Leider het me usere Name noni ganz korräkt könne usspräche, wo mr ufgruefe worde sin aber das kunt no, denn mir sin lut und presänt!
Zum Znachtässe hets Güggeli vom Grill ge und de zue Pilz und Gmües. Denoch sin mr alli ans Knasterbart Konzärt und hey „Mein Stambaum ist ein Kreis“ 😉 Am Lagerfür uf em Gländ hän mr uns vo use ufgwärmt und vo inne mit Met gfüllt so dass uns allne warm ums Härz worde isch. Die ganz harte Krieger hän den no eine gschnappt im Stadtstaatlager und die miede Krieger sin is Bett go pfuuse.
Sonntag
Am Sunntig morge sin denn d Herre is Laguna ihr Morgeschwümmli go neh und s Nömi het versuech Holz zhacke (isch ere nit wirklich glunge, das isch eher em Michi Oberst Materialwart si sach J ) dorum het si denn eifach Füür gmacht mit dem wo halt grad umegläge isch. Het, dr am Tag vorhär bereitgmachti Griesbrei, fertig kocht und het s Zmorge führ ihri Edelmänner zuebereitet. Dr Stadthalter isch wärenddesse and Morgebesprächig.
Hüt hän alli chöne and Morgemäss natürlich alli icremt 😛 Es isch öper teert und gfäderet worde und en Schwizer isch vo Beerenwein zum Ritter gschlage worde. User Ziil isch es jetzt useri vier Edelmänner alli glichzitig zum Ritte schlo zlo. Also Met trinke und Münze sammle. Hinein!
Am Heerlagerumzug hän mr natürlich au wieder teilgno. Tam hän mr ind Schandgiege gsteckt und anere Ketti abgfüht. Si isch wäge Schwarzarbeit und Stürhinterziig aklagt worde und userdäm verbrennt die HEXE!!! Dismol sin mr guet ufgalle, vieli verwundereti und ineressierti Blick hän mr gärntet. So solls si!
Hüt hän mr sogar 1 Taler verdient mit em Pranger. Unsere spontane Zältwächter Altair het alles ge, wo mir am Umzug gsi sin und het usere aller ersti Taler verdient. Leider hän mr dank unsere Platzzueteilig nit wirklich könne unser Königschach und de Prange de Bsuecher nöcherbringe. Aber hey was nit isch ka no wärde und mir wärde e bessere Platz beko und denn passet uf mir kömme!!
Kurz vor em Abbaue het s Wätter no s Gfühl ka, so jetzt zeige mr denne no wies isch wens nass wird. Abbaut hän mr denn zwar ohni Räge aber s Zält isch klatsch nass gsi, was mir denn no bim Stäldi sin go ufhänge in dr Schüüre. Tod mied aber mega happy sin mr zobespoht dehei ako. Mr freue uns jetzt scho uf s negstmol! Weil am Rhein 2 mir kömme!