Bericht MPS Weil 1 2017

20.- 22. Mai 2016

Dank unserem neue Familiezuewachs (Ahänger) hän mir am Donnstig zobe scho könne unser Material lade. Es het alles wundersam in unsere Ahänger passt und mir hän au scho prima Idee, wie mr das ganze optimiere könne. Denoch hets zur stärkig für alli Hälfer Spaghetti ge und no e kurzi Besprächig.

Und denn ändlich isch es Fritigmorge…

Nochdäm mir alli igsammlet worde sin, sin mir los uf Weil am Rhein. Döt isch es noch dr Platzzuewiesig sofort los gange mit em Ufbau. Mir hän s romatischte Plätzli beko im Rosegarte, zämme mit de Schotte, die wo mr scho mol als Nochbere z Weil ka hän.
Mir häns uns nit nä lo uns mit ihne und de andere Heerlager zvergliche und mr sin wieder ei mol meh stolz uf uns, was mir geils ufd Bei gestellt hän. Wie immer hän mir traditionsbewusst unseri Fahne igweit und hän uf e super MPS agstosse.
Dr Obe hän mir gmietlich mit e paar Gäst verbrocht notürlig mit Met. Dr Stephan het sogar sis Pfadisingbiechli uspackt und mr hän versucht chli z singe 😉 Sau glatt hän mrs ka.

Ganz vergässe z schriebe was es fains zum Znacht ge het… Da d Pinky ihres Kleid vergässe het und das mit de Nömi het miese hole, händ Jungs uns Foliehärdöpfel mit Krüterquark, Fleisch und Salat uf e Tisch zauberet.
Nach ere wunderbare Nacht mit meh oder werniger warme Fiess sin mr in MPS Alltag gstartet. D Pinky het uns es wunderbars Zmorge vorbereiter während mir (Stephan, Düsi, Michi, Jay, Nömi) am Morge Lala gsi sin und em Bruder Rektus si Morgemäss gnosse hän.

Au das Joor hän mir wirder Bsuech vomene Äntepäärli bekomir hän se Lisa und Ralf tauft. Si sin immer mol wieder verbie ko.

Leider hets de ganz Daag wie blöd grägnet, somit hän mir hüt nit viel vom Fest und Markt gseh. S het aber für e chline Rundgang über dr Markt glängt. Noch em total unnötige Heerlagerumzug, (da kum öper mitgloffe isch und s die Verantwortliche nit wirklich interessiert het alles Wasserschüchi!) hän mir s Znacht afo vorbereite.

Schupfnudle, natürlich alles vo Hand sälber gmacht, mit Spargle und Fleisch. Mmm… e Traum lecker lecker!

Stück für Stück sind denn d Lüt bi uns itroffe für dr Pestumzug. Da die vom Schminke nit vora ko isch, hän der Düsi und s Nömi ihre gholfe. Me ka fast sage eigentlich hän mr ihri Abreit übernoh. Dr Düsi het grundiert mit wiis und s Nömi het Pestfläcke gmacht und d Händ schwarz bemolt. Wärnd d Schminkdame no e chli Bluet ufgmolt het.

D Jungs hän denn als Stadtwach mitgmacht und Jay isch als Pestopfer debi gsi. Wären dem Pestumzug isch d Gschicht vo dr Pest verzelt und gspielt worde. D Jay isch voll abgange und het no fast de Stephan umghaue wo erst sit kurzem wieder ohni Stöck unterwägs isch. Zum Glück isch nüt passiert und alli hän ihre Spass ka. Denoch hän si alli es Freigetränk an de Taverne beko. D Pinky und s Nömi sin unterdesse no chli go shoppe, da s ändlich ufghört het rägne. Mr hän denn alli glie mol gmergt, wie mied mir eigentlich sin und sin denn alli zimmlich glie is Bettli gschlupft.

Am nögste Morge hän mir sogar guets Wätter ka und d Sunne het au möge kurz füre luege. Notürlich nume zum luege wos Zobe wieder ka hi schiffe. Nei seich mr dörfe uns ächt nit beklage am Sunntig hän mr prima Wätter ka. Nach em übliche Morge Lala, wo dr

Hauptmann Wölkchen (so hän mir en e Tag vorhär umtauft, wäg sinere Formation Wolke auflösen am Heerlagerumzug) teert und gfäderet worde isch, hän mir unser Zmorge gnosse. Unseri Köchin het wie allewiel nur s Beste uftischt.
Us platztechnische und Wätter sin mir dismol nit dezue ko s Königsschach uf z stelle und z spiele, defür hän mr zwei Jungs in Pranger dörfe stelle.
Au hüt sind Lisa und dr Ralf verbieko. D

 

ie armi Lisa isch vomene unbekannte gschändet worde in aller Öffentlichkeit, sehr ufdringlige Siech gsi. Jedoch het dr Ralf alles ge und het sini Lisa könne rette. Die zwei sin denn licht verstörrt aber heil defo gwatschlet.
Mir hän en gmietliche Dag uf em MPS-Gländ und in unserem Heerlager mit glägentlichem Bsuech vo Familie und Fründe verbrocht.

 

Alli hän jeglichei Wätterfrösch, Fee und Götter bittet, dass es doch mag trocke blibe, damit mir nit alles nass mien verlade. Doch leider het alles nüt gnutzt und es het usgrächnet uf e Abbau miese afo schiffe. So e Abbau wie an dem MPS hän mr no nie erläbt. D Autos hän miese mit grosse Stapler dure Matsch zoge wärde und hän nur vo einere Site här, dure nummeriert dörfe ine fahre. Mir hän gueti 1,5h gwartet uf unsere Ahänger. Mir hän sogar nochdäm mir bis ufs Vorzält alles abbaut hän, no de Nochbere gholfe ihri Zälter usrume und zämmezlege. Do sin mr eimol meh alli froh gsi, hän mir so e guete Zämmehalt und dass für alli klar isch jede hilft mit. Nochdäm mir alles verlade hän, sin mr zum Stäldi gfahre, go s Zält ufhänge. Mr sin alli total uf dr Schnurre gsi und hän uns allo uf die warmi Duschi und s weiche Bett gfreut. Me mues aber sage eimol meh eifach e hammer Wucheend gsi mit de Beste Lüt, blibende Erlärläbnis und toller Erinnerige!

Euer Schreiberlein
Nömi


Zrugg zu de Bilder

Zrugg zu de Bricht